Anglezët duan që Princ Uilliam të bëhet mbret

00:33 | 8 Prill 2021

Një sondazh i kryer në Britani të Madhe ka gjetur se publiku anglez dëshiron që djali i Prince Charles, Prince Uilliam të bëhet mbreti i ardhshëm në vend.

Në sondazhin e kryer nga Deltapoll për The Mirror, 1,590 të anketuar u intervistuan midis 31 marsit dhe 1 prillit, duke dhënë pikëpamjen e tyre mbi të ardhmen e monarkisë, me disa rezultate interesante, transmeton portal arbresh.info

Rreth 47% e të të anketurve thanë se dëshironin që Duka i Cambridge të bëhet mbreti i ardhshëm, ndërsa vetëm 27% kanë favorizuar babanë e tij, Prince Charles.

Dhe kur u pyetën kush duhet të bëhet monark kur Mbretëresha të largohet nga froni, 18 përqind e njerëzve thanë se nuk duhet të kishte mbret dhe se Britania nuk duhet të kishte më monarki.

Ndërkohë, sondazhi zbuloi se persona nga 18 deri në 24-vjeçarë do të preferonin Princin Harry të ishte mbreti i ardhshëm, duke mundur vëllain e tij me një përqind.

Mbretëresha do të mbushë 95 vjeç në 21 prill dhe pozicioni i saj si monark në fuqi u vendos për shqyrtim në sondazh.

Vetëm 40 përqind e të anketuarve besojnë se Mbretëresha duhet të vazhdojë të mbajë pozicionin e saj deri në ditën e vdekjes./arbresh.info/

Shpërndaje në rrjete sociale

Lajmet më të lexuara