Falë gjetjes së ditëve fertile ju do të mund ta keni më të lehtë të planifikoni një shtatzëni.

Por si ta bëjmë të mundur përcaktimin e kohës fertile?

1. Llogaritja e ditëve fertile

Ditët fertile do të llogariten duke u nisur nga cikli juaj menstrual. Duke filluar nga dita e parë e menstruacioneve zhvillohet folikuli, proçes i cili zgjat 14 ditë (faza folikulare), fazë e cila pasohet nga faza tjetër (luteinike) e cila zgjat gjithashtu 14 ditë. Ditët fertile të gruas janë midis ditës së 12 dhe 16 nga dita e parë e ciklit.

2. Mukusi çervikal

Në momentin që afrohet dita e ovulimit mukusi çervical do të rritet dhe ju do të keni sekrecione të shumta transparente. Sekrecionet do të ngjajnë me të bardhën e vezës. Kjo konsiderohet si periudha më e mirë për të ngjizur një shtatzani, shkruan pernenat.al.

3. Temperatura trupore

Në ditët fertile do të vihet re një rritje e temperaturës trupore me rreth 0.5 gradë. Pra ajo mund të shkojë 37 gradë.

4. Testi i ovulimit

Këtë mund ta gjeni në farmaci dhe mund të kryhen duke u vendosur nën fluksin e urinës për 5 sekonda dhe më pas të prisni disa minuta.

5. Monitorimi me anën e ekografisë

Nëse keni vështirësi në perceptimin e sinjaleve që trupi juaj ju jep, mund të shkoni dhe të bisedoni me gjinekologun. Me anën e ekografive vaginale gjinekologu mund të vërejë madhësinë e folikulit kryesor (tek ai që do të ndodhë ovulimi) dhe në momentin që ai ka arritur përmasat 20 mm duhet të kryeni marrëdhënie. Pra atë ditë ose ditën tjetër.