Ministri i Drejtësisë së Kosovës, Hajredin Kuçi, ka pritur sot në takim lamtumirës ambasadoren e Belgjikës, Anick Van Calster.

Në një komunikatë për media, thuhet se Kuçi falënderoi ambasadoren Van Calster për bashkëpunimin dhe mbështetjen e vazhdueshme të Belgjikës në fuqizimin e sundimit të ligjit në Kosovë.

“Zëvendëskryeministri Kuçi ka theksuar hapat e ndërmarrë gjatë këtij mandati qeverisës në fuqizimin e pavarësisë dhe ngritjes së efikasitetit të gjyqësorit. Njëkohësisht, ai theksoi edhe nevojën për përpjekje të vazhdueshme në përmirësimin e performancës së gjyqësorit, në shërbim të qytetarëve”, thuhet më tej në komunikatë.

Në anën tjetër, ambasadorja e Belgjikës në Kosovë, Anick Van Calster, është shprehur se bashkëpunimi në fushën e drejtësisë gjatë mandatit të saj ka qenë i shkëlqyeshëm, duke theksuar njëkohësisht që fuqizimi i mëtutjeshëm i sundimit të ligjit në Kosovë, që është në interesin shtetëror të Belgjikës.