Zyrtarët rusë të shpallur “non grata”, ikin nga Kosova

18:31 | 23 Tetor 2021

Dy zyrtarët e Zyrës Ndërlidhës të Rusisë në Prishtinë, të shpallur “persona non grata” nga Ministria e Punëve të Jashtme dhe Diasporës, janë parë duke lëshuar Kosovën.

RTK ka siguruar fotot derisa dy rusët e shpallur persona non-grata nga Presidentja e Republikës së Kosovës, i mbushin bagazhet e makinave të tyre me ‘plaçka’ dhe ikin nga Kosova me ‘bisht ndër këmbë’ siç do të thoshte populli.

Po ashtu në foto shihet makina e tyre edhe në njërën nga pikat kufitare duke e lëshuar Republikën e Kosovës.

Denis Vengerskii dhe Alexey Kryvosheev janë dy personat që janë identifikuar nga llupa e institucioneve të Kosovës, më konkretisht nga Agjencia Kosovare e Intelegjencës se veprimtaria e tyre është cenuese për sigurinë kombëtare.

Njëri nga ta Alexey Kryvosheev, nuk e ka për herë të parë që është shpallur “person non grata”.

Ai edhe nga autoritetet shqiptare është shpallur i papranueshëm, pasi që në janar të këtij viti, sipas qeverisë shqiptare, vazhdimisht ka thyer masat anti-covid në Shqipëri./arbresh.info/

Shpërndaje në rrjete sociale

Lajmet më të lexuara