Policia e Kosovës kërkon ndihmën e qytetarëve për gjetjen e Shqipe Zekaj nga fshati Vasilevë e Drenasit, e cila është raportuar e zhdukur që nga data 27 tetor 2023.

Në njoftim, thuhet se që nga dita e raportimit njësitet policorë hetimore kanë ndërmarr një varg veprimesh, shkruan Arbresh.info.

Të gjithë ata që kanë çfarëdo lloj informacioni, që ndërlidhet me të, t’ia kalojnë ato policisë përmes numrit 192.

Njoftimi i plotë:

Bëhet fjalë për personin, Shqipe Zekaj lindur në vitin 1984, banuese në fshatin Vasilevë- Drenas.

Që nga dita e raportimit deri më tani, njësitet policore të hetimeve, kërkimeve si dhe patrullat në koordinim me prokurorinë përkatëse dhe në bashkëpunim të ngushtë me familjarët, kanë ndërmarrë një varg veprimesh si:
-intervistime të personave që mund të ndihmojnë në gjetjen e vendndodhjes së personit,
-kontrollimi i hyrje- daljeve, në të gjitha pikat kufitare,
-kërkime në zona që personi kishte frekuentuar zakonisht (ambiente të mbyllura dhe të hapura),
-analizimi dhe hetimi i çdo lloj informacioni që lidhet me personin etj.

Edhe pse veprimet dhe kërkimet policore janë duke vazhduar, pas marrjes së autorizimit nga ana e prokurorit të shtetit, nga ana juaj kërkojmë kontributin tuaj qytetar.

Të gjithë ata që kanë çfarëdo lloj informacioni, që ndërlidhet me të, t’ia kalojnë ato policisë përmes numrit 192./Arbresh.info