Kandidati për deputet nga Lidhja Demokratike e Kosovës, Armend Zemaj është shprehur i lumtur pas nënshkrimit të kontratës për vendosjen e shtatores së komandantit të Përgjithshëm të FARK-ut, Kolonel Ahmet Krasniqi në komunën e Vushtrrisë.

Si mbështetës i kësaj iniciative sa ishte deputet i Kuvendit të Kosovës, Zemaj thotë se ishte e pashmangshme që sheshit në Vushtrrisë t’i ipet madhështia me shtatoren e Kolonel Ahmet Kranisiqit.

“Jam i lumtur që sot është nënshkruar kontrata për vendosjen e shtatores së Ministrit të parë të Mbrojtjes së Republikës së Kosovës, komandantit të Përgjithshëm të FARK-ut, Kolonel Ahmet Krasniqit.

Sheshi u vendos në Vushtrri me iniciativë të Kryetarit Xhafer Tahiri, andaj ishte e pashmangshme që të angazhohemi që atij sheshi t’i japim madhështinë me shtatoren e Kolonelit Ahmet Krasniqi. Ndihem me fat që si deputet i Kuvendit të Kosovës kërkesa ime mori aprovimin buxhetor dhe sot po nis implementimi i këtij projekti që i bën krenar qytetarët e Vushtrrisë, bashkëluftëtaret e Kolonelit, miqtë dhe familjen e tij.

Zoti e bekoftë jetën dhe veprën e Kolonel Ahmet Krasniqit!

Zoti i bekoftë qytetarët e Vushtrrisë e Kosovës anë e mbanë ku janë!”, ka shkrua Zemaj në facebook.