Zëdhënësi i presidentit të sapozgjedhur Donald Trump tha se do të ketë një njoftim zyrtar nëse Shtetet e Bashkuara do të zhvendosin Ambasadën nga Tel Aviv në Jerusalem.

“Do të njoftoni, rrini gati”, ka thënë zëdhënësi i Shtëpisë së Bardhë, Sean Spicer, transmeton arbresh.info.

Gjatë fushatës parazgjedhore, Trump është zotuar se do të zhvendos Ambasadën e Shteteve të Bashkuara nga Tel Aviv në Jerusalem.

Propozimi ka nxitur një protestë nga ana e palestinezëve të cilët thanë se ‘ky veprim do të vret çdo perspektivë për paqe’.

Palestinezët e shohin Jerusalemin lindor si kryeqytetin e një shteti të ardhshëm dhe statusi i qytetit është një nga çështjet më të ndjeshme në kontestin mes Izraelit dhe Palestinës. Shtetet e Bashkuara dhe vendet të tjera nuk e shohin Jeruzalemin si kryeqytet i Izraelit.

“Presidenti (Trump) e ka bërë shumë të qartë se Izraeli do të marrë vëmendjen që meriton dhe respektin e humbur gjatë tetë viteve. Ai ka për qëllim të tregojë respekt për Izraelin, duke e ditur rëndësinë e tij në Lindjen e Mesme”, tha Spicer./Arbresh.info