Deputeti i Vetëvendosjes, Visar Ymeri kujtoi gjatë seancës së sotme parlamentare 10 shkurtin e vitit 2007 kur partia e tij kishte organizuar protesta kundër Planit të Ahtisaarit e në të cilën mbetën të vrarë dy aktivistë të VV-së, Mon Balaj e Arben Xheladini.

Ymeri tha se edhe 10 vite pas kësaj ngjarjeje, Serbia vazhdon të mos e pranoj Kosovën as jashtë saj derisa siç tha, Kosova e pranon Serbinë në Kosovë, shkruan arbresh.info.

“Nesër bëhen 10 vite nga demostrata që e kishum organizuar. Atëherë demostrohjej vullneti politik kolektiv. Këta pushtetarë e pranuar serbinë brenda Kosovës kurse Serbia nuk e pranoi Kosovën jashtë Serbisë. Tash Serbia komunat e Ahtisaarit po i bëjnë të bashkuara në Zajednicë. Edher sot e kësaj dirt ne diskutojmë se si do të duhej ta ndërtojmë ushtrinë tonë për ta mbrojtur Mitrovica sot po vulos ndarjen përmes mureve dhe konstrukteve të tjera të betonit”, tha Ymeri./Arbresh.info.