Vuçiq reagon pasi Kurti alarmoi për provokime në Vidovdan: Do të vijë dita kur do t’i veshim bluzat me flamuj serbë

22:05 | 27 Qershor 2025
R J

Presidenti i Serbisë, Aleksander Vuçiq, në një intervistë për TV Pink ka reaguar ndaj paralajmërimeve të kryeministrit në detyrë Albin Kurti se nesër mund të ketë provokime gjatë festës së Vidovdanit.

Kreu i shtetit serb duke folur për media, ka thënë se “Do të vijë koha kur do të jemi në gjendje të veshim bluza dhe flamuj serb, kudo, plotësisht lirisht”.

“Jemi në oborrin e Kishës Stefan Lazar dhe dua të them se para së gjithash dua t’u bëj homazh heronjve të Kosovës, por edhe të falënderoj njerëzit në Kosovë që mbijetojnë atje dhe ruajnë emrin serb”, ka thënë Vuçiç.

Policia e Kosovës sot përmes një njoftimi për media ka bërë thirrje që të shmangen provokimet gjatë ditës së nesërme.