Vuçiq me Mogherinin: Kur të vini te çështja e Kosovës, atëherë kemi shumë gjëra për të thënë

20:00 | 19 Prill 2018
Arbresh.info

Presidenti i Serbisë, Aleksandar Vuçiq, bisedoi sonte në Beograd me përfaqësuesen e lartë të BE-së për politikë të jashtme dhe siguri, Federica Mogherini.

Ai gjatë një konference të përbashkët për gazetarët tha se në takim me kryediplomaten evropiane biseduan për kapitujt rreth anëtarësimit të Serbisë në BE , si dhe për ato në të cilat Serbia ka arritur përparim dhe ato për të cilat Komisioni Evropian thotë se nuk është arritur përparim.

Siç tha Vuçiq, në takim me Mogherini të dy ata nuk janë pajtuar për gjithçka.

“Kur të vini te çështja e Kosovës, atëherë ne në Serbi kemi shumë gjëra për të thënë, që është ndryshe nga këndvështrimi i shumë vendeve të BE-së, si dhe Prishtinës”, tha Vuçiq, transmetojnë mediat serbe.