Një vrasje e rëndë ka ndodhur dje në Podujevë pasi që një person i panjohur ka goditur me thikë viktimën pas një mosmarrëveshje në trafik, raporton Policia e Kosovës.

Sipas Policisë, viktima është dërguar për tretman mjekësor në QKUK, por nuk ka arritur ti mbijetojë plagëve dhe ka ndërruar jetë.

Me urdhër të prokurorit, trupi i pa jetë i viktimës është dërguar në IML për obduksion ndërsa rasti është duke u hetuar nga njësitet kompetente policore.

“Podujevë 12.09.2022-20:55. Lëndime të rënda trupore ka pësuar viktima mashkull kosovar pasi i njëjti dyshohet se pas një mosmarrëveshje në trafik, është goditur me thikë nga një person i dyshuar mashkull i panjohur për të. Viktima është dërguar në tretman mjekësorë në QKUK, por nuk ka arritur t’iu mbijetoj lëndimeve të shkaktuara dhe ka ndërruar jetë. Me urdhër të prokurorit, trupi i pa jetë i viktimës është dërguar në IML për obduksion. Rasti është duke u hetuar nga njësitet kompetente policore”, thuhet në raportin e PK./arbresh.info/