Policia e Kosovës ka njoftuar se dy të rinj për veprën penale “Vrasje në tentativë” janë dorëzuar në polici gjatë ditës së sotme.

Sipas policisë, rasti ka ndodhur mbrëmë në Prizren rreth orës 23:00, në një Rent a Car (biznes i dhënies së veturave me qira), shkruan Arbresh.info.

“Për shkak të mosmarrëveshjes, nga të dyshuarit (klienti A.K. 24 vjeç dhe G.K. 23 vjeç ) është sulmuar punëtori i kompanisë dhe një person tjetër, shok i tij.”, thuhet në njoftimin e policisë.

Policia bën të ditur se dyshohet  se i dyshuari G.K. i ka goditur me thike dy viktimat ( E. B. dhe E. K).

Në njoftimin e policisë, njoftohet se viktimat fillimisht janë dërguar në trajtim në Spitalit Rajonal të Prizrenit dhe për shkak të lëndimeve të rënda,  janë transferuar ne Q.K.U.K Prishtinë për trajtim të mëtutjeshëm, kurse të dyshuarit janë larguar në drejtim të panjohur.

Të dyshuarit  me vendim të prokurorit janë ndaluar për 48 orë./Arbresh.info/