Voziti 222 km/h në zonën e kufizimit 50 km/h, dënohet me 300 euro shoferi në Gjilan

12:05 | 25 Mars 2024
E.H

Njësiti rajonale i trafikut rrugor Gjilan, njofton se kanë identifikuar personin i cili në rrjetet sociale ka publikuar një video ku shihet duke vozitur 222 km/h në zonën e kufizimit 50 km/h në fshatin Bresalc, aksi rrugorë Prishtinë-Gjilan.

Të njëjtit konform ligjit për rregullat në trafikun rrugor i është shqiptuar gjoba në vlerë prej 300 euro, tri pikë negative dhe masën e përkohshme të ndalim vozitjes së mjeteve motorike në afat prej tre muaj.

“Drejtoria rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor, po ashtu inkurajon mediat dhe qytetarët që për të gjitha kundërvajtjet që mund të shkaktohen në komunikacion të njoftojnë Stacionin më të afërm të policisë, apo përmes aplikacionit digjital “Lajmëro Policinë’’, E-mail: [email protected] dhe numrat kundestarë:192; 0385045047001”, thuhet nw njoftim./Arbresh.info