Vetëvendosje proteston në Prizren, kërkon lirimin e aktivistëve

10:29 | 4 Nëntor 2016
M. A.

Rreth 60 aktivistë të Lëvizjes Vetëvendosje, përshirë edhe deputeten Donika Kadaj-Bujupi, asamblistin e Prishtinës, Ylli Hoxhën dhe ish-kryeinspektorin e Prishtinës, Xhelal Sveçla, kanë udhëtuar për në Prizren për të kërkuar lirimin e aktivistit të kësaj Lëvizje, Astrit Behari, njofton Klan Kosova.

Me pankarta në duar “Lironi Aktivistët” dhe “Lironi të Burgosurit Politik”, aktivistët e Vetëvendosjes protestuan para Qendrës së Paraburgimit në Prizren.

Xhelal Sveçla ka thënë se burgosja e aktivistëve të tyre “është shembulli më i mirë që tregon se është një komplot policore për të na i marrë aktivistët më të mirë”.

Protestuesit kanë qëndruar rreth gjysmë ore në Prizren derisa kanë paralajmëruar edhe aktivitete të tjera në kërkim të lirimit të Beharit e pjesëtarëve të tjerë të Lëvizjes.

14962318_10205867683371149_335369792_n 14962498_10205867683251146_32831788_n 14958858_10205867682371124_409431583_n