Vetëvendosje përmes deputetëve nënshkrues dorëzoi kërkesën për Interpelancë për Haradinajn

16:34 | 25 Janar 2018

Lëvizja Vetëvendosje ka njoftuar  sot përmes një statusi në Facebook se përmes deputetes, Albulena Haxhiu dhe deputetëve nënshkrues ka dorëzuar sot kërkesën për Interpelancë për Kryeministrin e vendit, Ramush Haradinajn, lidhur me vendimin për rritjen e pagave të zyrtarëve të lartë, shkruan arbresh.info.

Sipas VV-së, presin nga Kryesia e Kuvendit që sa më parë dhe me prioritet të lartë ta caktojë në rendin e ditës këtë kërkesë tonën për shkak të rëndësi së madhe të kësaj teme dhe shqetësimit po ashtu të madh nga qytetarët e të gjitha grupimeve shoqërore”, thuhet në njoftim, transmeton Indeksonline.

Ky është postimi i plotë:

“Lëvizja VETËVENDOSJE! nëpërmjet deputetes Albulena Haxhiu dhe deputetëve nënshkrues dorëzoi sot kërkesën për Interpelancë për Kryeministrin Haradinaj, lidhur me vendimin për rritjen e pagave të zyrtarëve të lartë, pagën minimale dhe pagesat e skemës sociale.

Presim nga Kryesia e Kuvendit që sa më parë dhe me prioritet të lartë ta caktojë në rendin e ditës këtë kërkesë tonën për shkak të rëndësi së madhe të kësaj teme dhe shqetësimit po ashtu të madh nga qytetarët e të gjitha grupimeve shoqërore.

Grupi ynë do ta dërgojë po ashtu në Gjykatë Kushtetuese vendimin joligjor dhe të padrejtë të Qeverisë së Republikës së Kosovës për rritjen e pagave të zyrtarë të lartë politikë”./arbresh.info/

Shpërndaje në rrjete sociale