Veseli: Jahjaga duhet t’i thërrasë liderët e partive politike

21:21 | 23 Shtator 2015
Gita

Kryetari i Kuvendit Kadri Veseli thotë se Presidentja e Kosovës Atifete Jahjaga duhet t’i thërras në një tryezë bisedimi liderët e partive politike.

Kjo pas seancës kur opozita gjuajti me vezë Kryeministrin Isa Mustafa, dhe pamundësoi punën e Kuvendit.

Opozita thotë se do të vazhdojnë me defunksionalizimin e Kuvendit, derisa Qeveria të anuloj marrëveshjet e fundit.

Kadri Veseli tha se është urgjente mbledhja e liderëve kryesor në vend, takim ky që do të thirrej nga Jahjaga.

‘Sa me shpejt duhet të ulemi në tryezë të komunikimit vecanërisht duhet të jetë urgjente thirrja e një tryeze të liderëve politikë. Sipas meje do të duhej ta bënte Presidentja e vendit për arsye se është autoriteti më i lartë”, tha Veseli në emisionin ‘Debat’ në RTK.