Veseli akuzon Dërgutin për pengim të mbledhjes së Kryesisë

12:39 | 4 Mars 2016
M. A.

Kryetari i Kuvendit të Kosovës, Kadri Veseli, ka akuzuar nënkryetaren nga radhët e Vetëvendosjes, Aida Dërgutin se ka dashur ta pengojë mbledhjen e sotme të Kryesisë.

Ai në një paraqitje për media pas mbledhjes së Kryesisë së Kuvendit, u ka bërë thirrje Opozitës që t’i përgjigjen ftesës për dialog.

Në mbledhjen e parë të kryesisë pas zgjedhjes së Hashim Thaçit president, janë caktuar edhe pikat e rendit të ditës në seancën e radhës që pritet të mbahet të enjten.

Ndërsa, deputetja e VV-së, Aida Dërguti ka bërë të ditur se seanca e radhës po mbahet, duke kundërshtuar kërkesat e Opozitës që janë kundër. Mirëpo, përkundër kësaj, Dërguti ka thënë se Opozita do të merr pjesë, por nuk ka folur për veprimet që do t’i ndërmarrin në këtë seancë, raporton lajmi.net.

Në anën tjetër, Veseli ka thënë se në seancën e radhës pika të rendit të ditës do të jenë integrimi në Europë, por pa specifikuar qartë se për çka.