Gjatë natës, një sasi e madhe ujë ka përfshirë punishten ku po ndërtohet ura e re mbi lumin Ibër në Mitrovicë.

Veton Elshani, zëvendësdrejtor i Policisë së Kosovës për rajonin e veriut, tha se nuk ka elemente për vepër penale.

“Dëmet që janë shkaktuar aty te pajisjet janë për t’u diskutuar mes Ibër-Lepencit dhe kompanisë që po i kryen ndërtimet”, tha ai për RTK.

Ndërkohë, Kompania Rajonale e Ujësjellësit “Mitrovica” njoftoi se gjatë ditës do të ketë zvogëlim të nivelit të ujit në kanalin kryesor “Ibër-Lepenc”.

Si pasojë, impiantet e trajtimit të ujit në Shipol dhe Balinc do të punojnë me kapacitet të reduktuar, gjë që mund të shkaktojë mungesë uji në zonat e larta të qytetit dhe fshatrat përreth.

Ekipet e kompanisë janë në terren duke monitoruar situatën dhe do të ndërmarrin të gjitha masat e nevojshme për normalizimin e furnizimit sapo niveli i ujit të stabilizohet.

Ndërsa, Faruk Mujka, drejtor i Ndërmarrjes Hidroekonomike “Ibër-Lepenci”, theksoi se situata është nën kontroll.

Mujka theksoi se, pavarësisht dëmeve materiale, konstruksioni i urës nuk ka qenë i rrezikuar, ndërsa shton se ky rast nuk është shkaktuar nga faktori njeri, por që sipas tij, dora e njeriut ka ndihmuar në minimizimin e dëmit të mundshëm.

Ai gjithashtu apeloi që rasti të mos përdoret për qëllime politike ose elektoral./Arbresh.info

LEXO EDHE:

Vërshimi në punishten e urës mbi Ibër, Mujka: Dëmi nuk është shkaktuar nga njeriu, ky rast të mos përdoret për qëllime poltike

Pas përmbytjes në vendpunishten e urës, KRU “Mitrovica” paralajmëron mungesë uji për shkak të uljes së nivelit në Ibër-Lepenc