Bahri Haxha, ndonëse i vdekur, emri i tij ishte kandidat për të marrë stausin e dëshmorit.
Por një gjë e tillë nuk ka ndodhur,  edhe pse në listat e verifikuara të Zonës Operative të Shalës që janë publikuar dje, emri i Bahri Haxhës figuron në listën e të refuzuarve nga Brigada 141 “Mehë Uka” të UÇK-së, transmeton KP.

I vrarë më 2 maj të vitit 1999 në fshatin Studime të Vushtrrisë, dhjetë vjet më pas ka hyrë në listën e dëshmorëve të kombit.
Madje, në nderim të veprës së tij, me vendim të Kuvendit komunal pas shpalljes së Haxhës dëshmor në vitin 2009, është emëruar edhe një shkollë e mesme me emrin e tij.

Bahri Haxha është vëllai i ish-kryeshefit të PTK-së, Shyqyri Haxha. Mediat më herët kanë raportuar se Bahri Haxha është futur në listën e dëshmorëve të Zonës së Shalës me intervenim nga vëllai i tij Shyqeri Haxha i cili në atë kohë ishte në krye të PTK-së.

Trupi i Bahri Haxhës prehet në varrezat e dëshmorëve në Stanovc të Vushtrrisë pasi që paraprakisht ishte zhvarrosur nga varrezat e martirëve që gjenden në Studime të Epërme, fshatin ku Haxha ishte vrarë së bashku me më shumë së njëqind civilë të kësaj ane.