Ministri i Punëve të Brendshme dhe Administratës Publike, njëherit nënkryetar i LDK-së, Agim Veliu me rastin e shënimit të 12 vjetorit të shtetësisë ka thënë se në këtë përvjetor, më shumë se kurrë duhet të dëshmohet vendosmëria në rrugën drejt shtetndërtimit.

“Kosova sot shënon 12 vjetorin e Pavarësisë së saj. Në këtë datë historike, kujtojmë arkitektin e pavarësisë së Kosovës, Presidentin Historik, Dr. Ibrahim Rugova dhe të gjithë ata që sakrifikuan, u flijuan dhe kontribuuan në lindjen e shtetit tonë”.

“Në këtë përvjetor, më shumë se kurrë duhet të dëshmojmë vendosmërinë tonë në rrugën drejt shtetndërtimit, zhvillimit ekonomik dhe realizimit të synimeve tona për integrim në familjen e madhe evropiane.

Në partneritet të ngushtë me aleatët e saj, SHBA-në, NATO-n dhe BE-në, Kosova po ndërton dhe po konsolidon institucionet demokratike të shtetit ligjor dhe po bëhet faktor i rëndësishëm i paqes dhe stabiliteti në rajon”.

“Urime 12 vjetori i Pavarësisë. Zoti e bekoftë Republikën e Kosovës!”, ka shkruar ai në Facebook.