Ka ndërruar jetë ish-kryetari i Prishtinës, Salih Gashi.

Lajmin për vdekjen e tij e ka bërë të ditur, kryetari i Prishtinës Përparim Rama ku edhe ka shprehur ngushëllime.

Sipas Ramës, ai ishte një nga kontribuuesit e palodhur për rindërtimin dhe konsolidimin institucional të kryeqytetit në një kohë të vështirë për vendin tonë.

“Ai ishte njëri nga kontribuesit e palodhur për rindërtimin dhe konsolidimin institucional të kryeqytetit në një kohë të vështirë për vendin tonë. Me përkushtim, urtësi dhe integritet, ai la gjurmë në shërbimin publik dhe në rrugëtimin e Lidhjes Demokratike të Kosovës. Ngushëllimet më të sinqerta familjes Gashi, miqve, bashkëpunëtorëve, komunitetit akademik dhe gjithë qytetarëve të Prishtinës”, shkroi Rama në Facebook./Arbresh.info/