Ka vdekur ish-zëvendësministri i Punëve të Jashtme, Anton Berisha.

Lajmin për vdekjen e tij, e ka bërë të ditur djali i tij, Genci, përmes një postimi në Facebook, përcjell Arbresh.info

Genci ka bërë të ditur se vdekja erdhi për shkak të një sëmundje të shkurtër që ai kishte.

“Të dashur familjarë dhe miq, Me pikëllim të thellë dhe zemër të rënduar ju njoftojmë se babai ynë i shtrenjtë, Anton Berisha, sot, më datë 2 janar, pas një sëmundjeje të shkurtër, u nda nga kjo jetë, duke lënë pas një boshllëk të paimagjinueshëm në zemrat tona”, shkruan ai në Facebok.

Anton Berisha ka qenë anëtar i AAK-së, parti nga e cila rreth 5 vite më parë dha dhënë dorëheqje.

I njëjti poashtu ka shërbyer dhe si Zëvendësministër i Punëve të Jashtme gjatë qeverisjes së Ramush Haradinajt./Arbresh.info/