Kryetarja e Komunës së Preshevës, Ardita Sinani ka reaguar për vdekjen e bababit të ish-Presidentit, Hashim Thaçi.

Me anë të një postimi në Facebook, ajo shprehu solidarizimin e Komunës së Preshevës me familjen Thaçi, shkruan Arbresh.info.

“Me pikëllim morëm lajmin për ndarjen nga jeta të Haxhi Thaçit, babait të Presidentit Hashim Thaçi. Në këto çaste dhimbjeje, Komuna e Preshevës dhe qytetarët tanë solidarizohen me familjen Thaçi, duke ndarë dhembjen për humbjen e një atdhetari që me dinjitet rriti breza në shërbim të çështjes kombëtare.”, ka shkruar ajo.

Tutje, Sinani ka shprehur ngushëllimet e saj për familjarët, miqtë dhe të gjithë ata që e njohën.

“Në emër të Komunës së Preshevës, shprehim ngushëllimet më të sinqerta familjes, miqve dhe të gjithë atyre që patën fatin ta njohin. Pushoftë në paqe!”, ka shkruar mes të tjerash ajo./Arbresh.info/