Sipas të dhënave nga Ministria e Shëndetësisë, numri total i rasteve aktive me koronavirus është 7 mijë e 854.

Ministria e Shëndetësisë ka njoftuar se në 24 orët e fundit janë konfirmuar edhe 1.096 raste të reja me COVID-19 dhe katër raste të vdekjes

Ndërkaq, në 24 orët e fundit janë shëruar 53 pacientë të cilët kanë qenë të infektuar me këtë virus.

Ministria ka njoftuar se në komunën e Prishtinës janë 1 mijë e 572 raste aktive me COVID-19.

Ferizaj është komuna e dytë me më së shumti raste aktive dhe ku aktualisht janë 721 raste aktive kurse pas saj vjen Gjilani, me 687 raste aktive.

Pas Gjilanit vjen komuna e Gjakovës me 572 raste aktive dhe ajo e Pejës me 538 raste aktive.

Podujeva ka 393 raste aktive, Mitrovica ka 364 raste aktive, Fushë Kosova ka 357 raste aktive, Prizreni ka 344 raste aktive, Klina ka 308 raste aktive, Lipjani ka 257 raste aktive kurse Rahoveci ka 233 raste aktive./arbresh.info/