Komisioni Qendror i Zgjedhjeve njofton se është duke vazhduar periudha e aplikimit për akreditimin e vëzhguesve dhe mediave për Zgjedhjet Lokale për Kryetarë të Komunave dhe Kuvende Komunale, që do të mbahen më 12 tetor 2025.

Subjektet politike të certifikuara, OJQ-të, organizatat vendore dhe ndërkombëtare që merren me zgjedhje dhe të drejtat e njeriut, mediat si dhe përfaqësuesit e vendeve të huaja mund të aplikojnë online për akreditim brenda afateve në vijim:

Subjektet politike: deri më 17 shtator 2025

OJQ-të dhe organizatat ndërkombëtare: deri më 27 shtator 2025

Mediat: deri më 7 tetor 2025

Si të aplikoni?

Përfaqësuesi i autorizuar duhet të plotësojë të dhënat në platformën online: https://apliko.kqz-ks.org. Pas aplikimit, Zyra për Regjistrim dhe Certifikim do ta shqyrtojë kërkesën dhe, në rast miratimi, do të dërgojë kredencialet për qasjen në platformë për të regjistruar të dhënat e vëzhguesve, njofton KQZ.

Informacione shtesë:

Kontakti për pyetje: [email protected] | Tel: +383 38 200 81 010 (08:00 – 16:00)

Vetëm vëzhguesit e akredituar do të mund të ndjekin procesin zgjedhor dhe aktivitetet në Qendrat Komunale të Numërimit dhe QNR.