Është arrestuar dje një person në Pejë, pasi kishte ushtruar dhunë ndaj anëtarëve të familjes, raporton Policia e Kosovës.

Sipas Policisë, djali i personit të dyshuar ka dorëzuar në polici një pushkë gjysëm-autmatike, duke evituar rrezikun për lëndimin e ndonjë anëtari të familjes.

Policia në shtëpinë e të dyshuarit ka sekuestruar 36 fishekë, një karikator dhe 5 thika te ndryshme.

“Pejë, 31.05.2022-13:00. Është arrestuar i dyshuari mashkull kosovar pasi që i njëjti kishte ushtruar dhunë ndaj anëtarëve të familjes. Dëshmitari mashkull kosovar, djali i të dyshuarit, kishte dorëzuar policisë një pushkë gjysëm-autmatike pasi ia kishte marrë të dyshuarit duke evituar rrezikun për lëndimin e ndonjë anëtari të familjes. Në shtëpinë e të dyshuarit janë sekuestruar edhe 36 fishekë, një karikator dhe 5 thika te ndryshme. Pas intervistimit, me vendim të prokurorit kujdestar, i dyshuari dërgohet në mbajtje” thuhet në raportin 24 orësh të Policisë së Kosovës./arbresh.info/