Keqpërdorimi i ujit nga qytetarë të papërgjegjshëm ka lënë për tri ditë radhazi pa furnizim me ujë një pjesë të qytetarëve në disa lagje të Prishtinës.

Për pasojë, lagjja “Kodra e Trimave” po përballet me mungesën e ujit të pijshëm tash e sa ditë, raporton KTV.

Mungesa e ujit, pronarit të shtëpisë që banon mbi kuotën e rezervuarëve të furnizimit me ujë po në këtë lagje, i ka shkaktuar edhe sëmundje lëkure te fëmijët e vegjël.

Kjo për shkakun se ujin që ai e përdor në shtëpi ndodh shpesh edhe t’i ketë qëndruar me javë nëpër shishe.

E për të mos qenë diskriminues te qytetarët, kompania e ujësjellësit rajonal “Prishtina” do t’i ndëshkojë keqpërdoruesit e ujit me ndërrim të orarit të furnizimit me ujë, transmeton Koha.net.

Ujësjellësi do të nisë me shkurtim të kohës së furnizimit, e ujë pritet të kenë lagjet që deri tash kanë pasur mungesë.