Azem Krasniqi, vëllai i ish-kryeparlamentarit, Jakup Krasniqi ka ndërruar jetë të shtunën.

Sipas raportimeve në media, Jakup Krasniqi i cili po mbahet në paraburgim në Hagë, do të vijë për vizitë nesër në Kosovë.

Lidhur me vizitën e Krasniqit në Kosovë, Dhomat e Specializuara për Arbresh.info kanë dhënë detaje.

“Gjithçka që mund t’ju them në këtë pikë është se korniza ligjore e Dhomave të Specializuara të Kosovës u lejon personave të paraburgosur që t’i bëjnë kërkesa Panelit kompetent kur ka arsye bindëse humanitare. Paneli do të vendosë për këto kërkesa. Të gjitha dokumentet publike, duke përfshirë parashtresat nga Mbrojtja dhe vendimet e gjyqtarëve publikohen në faqen e internetit të KSK-së, kështu që nëse dhe kur ndonjë informacion i mëtejshëm për këtë çështje është i disponueshëm dhe publik, ai do të publikohet në faqen e internetit të KSK-së”, thuhet në përgjigjen e Dhomave të Specializuara./Arbresh.info