Kryeministri i Kosovës, Ramush Haradinaj ka zhvilluar sot një vizitë në Trepçë bashkë me ministrin e Zhvillimit Ekonomik, Valdrin Lluka dhe ministren e Mjedisit dhe Planifikimit Hapësinor, Albena Reshitaj.

Drejtori i Trepçës, Ahmet Tmava tha gjatë takimit se Trepça ka shpëtuar nga likuidimi ndonëse siç tha, nuk është zgjidhur çështja e saj në tërësi për shkak të moszbatimit të Ligjit të Trepçës, shkruan arbresh.info.

Tmava tha se Trepça i ka aktualisht 1360 punëtorë dhe sfidat janë të mëdha.

“Trepça për momentin i ka 1360 punëtorë dhe rrugëtimi i Trepçës në periudhën e pas luftës ka qenë në sfidat e veta që tashmë janë botërisht të ditura. Për tërë periudhën e pasluftës është kërcënuar nga procedurat e likuidimit. Falë ligjit për Trepçën ajo ka shpëtuar nga procedura e likuidimit mirëpo nuk është zgjedhur problem i saj sepse për fat të keq Ligjit për Trepçën ende nuk ka filluar së zbatuari dhe kjo na qet në një situatë”, tha Tmava.

Sipas tij, gjendja financiare e ndërmarrjes është stabile aktualisht.

Ndërkaq, punëtorët e Trepçës kanë paraqitur disa kërkesa tek kryeministri Haradinaj duke thënë se nevojitet një riorganizim në këtë ndërmarrje me njerëz të përgjegjshëm./arbresh.info/

https://www.facebook.com/arbresh.info/videos/1544215722310181/