Dëshmorët Gani e Azem Kastrati dhe Hisni Murseli nga Nekoci dekorohen me Urdhrin Presidencial “Hero i Kosovës”

Në shkollën e fshatit Nekoc të Komunës së Drenasit, nën patronatin e Presidentit të Kosovës, Hashim Thaҫi, ku ishin pjesëmarrës, Kryetari i Komunës së Drenasit, Ramiz Lladrovci, këshilltari i Presidentit, Ismail Syla, familjarë e shumë qytetarë, i është dhënë dekorata “Hero i Kosovoës” tre dëshmorëve të këtij fshati.

Urdhri “Hero i Kosovës” i është dhënë Gani e Azem Kastrati dhe Hisni Murseli për veprat e trimërisë dhe sakrificën për Kosovën gjatë luftës së fundit të UҪK-së, bën të ditur Komuna e Drenasit.

Me këtë rast, Lladrovci vlerësoi lartë trimërinë e këtyre dëshmorëve ku tha se veprimtaria e tyre për lirinë e pavarësinë e vendit ishte e madhe, prandaj edhe ky urdhër ndaj tyre është meritor.

Ndërsa në emër të Presidentit Thaҫi, këshilltari i tij, Ismail Syla, tha se tre dëshmorët e fshatit Nekoc mbeten figurat me emblematike të kësaj ane për luftën e pastër të zhvilluar për lirin e vendit.