Në Qendrën Korrektuese të Dubravës ka filluar sot programi i trajnimit profesional për të dënuarit, i zhvilluar në bashkëpunim me Qendrën për Aftësime Profesionale në Pejë.

ShKK njofton se në këtë program janë përfshirë gjithsej 36 të dënuar, të cilët janë regjistruar në katër profile profesionale: Hidroinstalues (10), Metalepunues (10), Zdrukthtarë dhe Muratorë.

“Trajnimi zhvillohet në punëtoritë e Qendrës Korrektuese të Dubravës dhe monitorohet nga ekspertët e Qendrës për Aftësime Profesionale.
Në përfundim të programit, të gjithë pjesëmarrësit do të pajisen me certifikata zyrtare, të njohura nga sistemi i aftësimit profesional. Ky program synon të aftësojë të dënuarit me profesione konkrete, duke u ofruar mundësi reale për punësim dhe riintegrim shoqëror pas përfundimit të vuajtjes së dënimit”, thuhet në njoftimin e ShKK-së./Arbresh.info