Një rast i vdekjes së dyshimtë është raportuar në orët e hershme të mëngjesit të 21 janarit 2025, në fshatin Restelicë të Komunës së Dragashit.

Zëdhënësi i Policisë së Kosovës, Shaqir Bytyqi, ka njoftuar se rreth orës 01:06 policia ka pranuar informatën për rastin, ku dyshohet se një person  rreth 30 vjeçar, e ka privuar nga jeta nënën e tij, rreth 60 vjeçare.

Sipas informatave fillestare, i dyshuari dyshohet se ka pasur probleme të shëndetit mendor.

Njoftimi i plotë:

Me datën 21.01.2025, rreth orës 01:06, Policia është njoftuar për një rast të vdekjes së dyshimtë në fshatin Restelicë, Komuna e Dragashit.

Sipas informatave fillestare, dyshohet se një person mashkull, rreth 30 vjeçar, e ka privuar nga jeta nënën e tij, rreth 60 vjeçare. I dyshuari, sipas të dhënave paraprake, ka pasur probleme të shëndetit mendor.

Nga ekzaminimi fillestar në vendin e ngjarjes, nuk është vërejtur mjeti me të cilin dyshohet se është kryer vepra penale, ndërsa viktima ka pësuar disa lëndime në regjionin e kokës.

I dyshuari është arrestuar nga Policia dhe është ndaluar për procedura të mëtejme ligjore.

Sektori Rajonal i Hetimeve, në bashkërendim me Prokurorin e Shtetit, është duke ndërmarrë të gjitha veprimet hetimore të nevojshme me qëllim të zbardhjes së plotë të rrethanave të këtij rasti./Arbresh.info