Është therur me thikë infermieri me inicialet F.B në vendin e tij të punës në Klinikën e Urologjisë.

Për rastin është njoftuar edhe Policia e Kosovës, shkruan portali arbresh.info

Lidhur me këtë ka reaguar edhe Shërbimi Spitalor dhe Klinik Universitar i Kosovës, që e ka dënuar ashpër sulmin duke e quajtur të papranueshëm.

“Ofendimet, dhuna,  e deri tek sulmet fizike, të tilla si ky i ditës së sotme ndaj mantelbardhëve ka pasur në vazhdimësi,  andaj ju bëjmë thirrje të gjithë qytetarëve të respektojnë punën e mantelbardhëve, ndërsa sulmuesit e tillë të marrin përgjigjen e merituar nga organet kompetente. Është koha e fundit që sulmet e tilla të ndalen njëherë  dhe përgjithmonë ndaj punëtorëve shëndetësorë”, thuhet në reagimin e SHSKUK-së.

Ndërkohë bëhet e ditur se infermieri i është nënshtruar intervenimit kirurgjik./arbresh.info/