Presidenti në ardhje Hashim Thaçi sot ka vizituar familjet e dëshmorëve Rexhep Mala dhe Nuhi Berisha në Gjilan.

Dëshmorët Mala dhe Berisha janë vrarë në vitin 1984 gjatë një konfrontimi me policinë serbe në lagjen Kodra e Trimave në Prishtinë.

Vizitën e tij në këto dy familje e ka bërë të ditur nëpërmes Facebook-ut në të cilin ka postuar edhe tri fotografi të realizuara nga fotografi Astrit Ibrahimi.

Postimi i Hashim Thaçit në Facebook:

Sot vizitova familjet e dëshmorëve Rexhep Mala e Nuhi Berisha në Gjilan, dy prej figurave qendrore të përpjekjeve të pareshtura të popullit tonë për liri e pavarësi. Rexhepi dhe Nuhiu ishin të papërkulur me qëndrimet e tyre atdhetare. I sigurova familjarët se veprat e tyre vazhdojnë të na frymëzojnë në angazhimin tonë për të ardhmen e Kosovës. HTH