Presidenti i Kosovës, Hashim Thaçi, këto ditë është duke qëndruar në Shtetet e Bashkuara të Amerikës.

Gjatë qëndrimit të tij, ai është takuar edhe me shefin ekzekutiv të DFC-së, Adam Boehler, ku thotë se kanë diskutuar për potencialet e Kosovës për t’i tërhequr investimet e huaja në Kosovë, njofton arbresh.info

Këtë Presidenti e ka bërë të ditur përmes një shkrimi në Facebook.

Postimi i plotë i presidentit Thaçi:

Në një takim me shefin ekzekutiv të International Development Finance Corporation (DFC), Adam Boehler, bisedova për potencialet e Kosovës për të tërhequr investime të huaja. Kosova është shtet i ri me potenciale të mëdha, me fokus kah e ardhmja, kah zhvillimi ekonomik, kah investimet dhe kah prosperiteti për qytetarët tanë. International Development Finance Corporation është agjenci e pavarur e Qeverisë Amerikane, që ofron financim për projekte zhvillimore dhe është gjithmonë e gatshme për ta mbështetur zhvillimin ekonomik në Kosovë. HTH