Miqësia mes presidentit të Kosovës Hashim Thaçi dhe kryeministrit të Shqipërisë, Edi Rama gjen një tjetër pikë kontakti në një darkë të sotme në një ndër lokalet e njohura të Tiranës.

Pas një shëtitjeje të qetë dhe i vetëm në rrugët kryesore të Tiranës të Presidentit Thaçi, burime kanë thënë se Kryeministri ka darkuar me Thaçin në lokalin “Padam”, pranë ish-Radio Televizionit Shqiptar.

Presidenti kosovar shoqërohej nga njerëz të stafit të vet, ndërkohë që Rama nga njerëz që ai frekuenton rëndom.

Takimi në mjedise të tilla jozyrtare është i dyti pas atij në shtëpinë e re të presidentit të Kosovës në afërsi të Prishtinës, ku Rama ishte prezent dhe shpërndau edhe një foto të posaçme.

Rama dhe presidenti i Kosovës janë dy ndër politikanët shqiptarë që së fundmi janë koordinuar të paktën për çështjen e marrëveshjes me Serbinë.