Në Spitalin e Përgjithshëm në Pejë është duke vazhduar trajtimi i pacientëve me coronavirus.

Në njoftimin e bërë nga Spitali i Pejës thuhet se aktualisht duke u trajtuar janë 58 pacientë, ku 31 pacientë janë në oksigjenoterapi ndërsa nga këta 8 pacientë janë në gjendje më të rëndë, ndërsa një pacientë është në Respirator (CPAP).

Përndryshe gjatë vikendit të fundit në Spitalin e Përgjithshëm në Pejë, 564 pacientë kanë marrë trajtim emergjent shëndetësorë, pacientë dhe nga këta 50 pacientë janë shtrirë për trajtim të mëtutjeshëm.

“13 lindje kanë qenë gjatë vikendit në Spitalin e Përgjithshëm në Pejë, 9 normale dhe 4 me prerje cezariane. Kanë lindur 14 foshnje, 6 të gjinisë mashkullore dhe 8 të gjinisë femërore, ngase një lindje ka qenë binjake”, bëhet e ditur në njoftim.

Tutje, në njoftim thuhet se 447 pacientë kanë kryer analiza, që në total kanë bërë 4,886 analiza, ndërsa janë kryer 13 operacione./Arbrersh.info/