Tahiri i thotë ‘bravo’ Kurtit për punën e rrymës në veri: AAK-në e ka prapa, e mbështesim

17:56 | 9 Janar 2024
E.H

Shefi i deputetëve të AAK-së, Besnik Tahiri, ka folur për marrëveshjen për energjinë në veri dhe për pagesën e energjisë në atë pjesë të vendit nga 1 janari 2024.

Tahiri ka thënë se pritet të shihet se si do të shkojë një marrëveshje e tillë, megjithatë ka thënë se AAK-ja përkrah çdo vendim të Kurtit për shtrirje të sovranitetit në Veri të Republikës së Kosovës, përfshirë edhe çështjen e energjisë elektrike.

“Tek energjia, është një marrëveshje të cilën e presim se si do të shkojë. Qëndrimi i AAK-së është i thjeshtë, ne mbështesim në cdo veprim që Albin Kurti e bon në shtrirjen e ligjshmërisë në Veri të Kosovës, përfshirë edhe këto. Dhe për këtë nuk e kam problem me i thanë aferim. Aferim absolut, për cdo veprim”, ka thënë Tahiri në frontal.