Asociacioni i Gazetarëve të Kosovës njofton se është suspenduar llogaria në Facebook e gazetarit, Vehbi Kajtazi.

Lidhur me këtë rast, AGK ka shprehur shqetësim ka shprehur shqetësimin lidhur me suspendimin e llogarisë ndërsa ka shtuar se kjo vjen si pasoj e raportimeve të vazhdueshme të bëra ndaj postimeve të tij lidhur me zgjedhjet e 9 shkurtit, përcjell Arbresh.info.

“Sipas gazetarit dhe themeluesit të portalit “Paparaci”, ky suspendim vjen si pasojë e raportimeve të vazhdueshme të bëra ndaj postimeve të tij që lidhen me zgjedhjet e 9 shkurtit, si dhe veprimeve të shumta nga llogari të automatizuara (bots) që e kanë ngacmuar dhe shqetësuar në platformën e tij para dhe gjatë fushatës zgjedhore”, thuhet në reagimin e AGK-së.

AGK-ja rikujton rëndësinë e garantimit të lirisë së shprehjes dhe mbrojtjes së gazetarëve nga çfarëdo forme e ndërhyrjes apo pengimit në

punën e tyre, njëherit bëjnë thirrje që të mos cënohet në asnjë mënyrë puna e gazetarëve.
“AGK-ja mbetet e përkushtuar për të mbrojtur të drejtat e gazetarëve dhe inkurajon institucionet dhe platformat digjitale që të bashkëpunojnë për të parandaluar sulmet dhe ndërhyrjet që cënojnë gazetarinë e lirë”, thuhet tutje në reagim./Arbresh.info