Gjykata Supreme e Kosovës ka caktuar seancën gjyqësore për  ish-komandantët e Ushtrisë Çlirimtare të Kosovës, në rastin “Drenica, Sylejman Selimi, Sami Lushtaku dhe Jahir Demaku.

Lajmin për caktimin e seancës e ka bërë të ditur, mbrojtësi i Sylejman Selimit, avokati Tomë Gashi, përmes një statusin në Facebook, raporton Arbresh.info.

Sipas tij, për të vendosur lidhur me ankesat e avokatëve, Gjykata Supreme e Kosovës ka caktuar seancë të Kolegjit për datën 20.qershor 2017 në Pallatin e Drejtësisë për këtë rast.

“Sa i përket Gjeneral Sylejman Selimit rasti ka të bëjë me një pikë të aktakuzës në të ashtuquajturin ”Drenica I” për të cilin Gjykata Themelore në Mitrovicë e ka shpallur të pafajshëm, ndërsa me ankesë të Prokurorit të Eulex-it Gjykata e Apelit e Kosovës në Prishtinë e ka shpallur fajtor”, është shprehur avokati Gashi.

Kësaj here, avokati shprehet optimist se drejtësia do të fitoj dhe se Sylejman Selimi dhe të tjerët do të shpallen përsëri të pafajshëm./ Arbresh.info