“Gratë e veja krijojnë bufe në shkolla” është projekt i financuar nga zyra e Bashkimit Evropian në Kosovë dhe implementuar nga IADK në partneritet me Ministrinë e Punës dhe Mirëqenies Sociale, që do të promovohet sot në shkollën “Shaban Jashari” në Skenderaj.

Projekti përfshin 100 gra te veja te përzgjedhura së bashku me zyrat e punësimit në komunat e Mitrovicës, Vushtrrisë, Skenderajt dhe Drenasit, të cilat do të trajnohen në përgatitjen e ushqimit. Nga këto 100 gra, 32 gra të veja do të zgjedhen për punësim në bufetë e shkollave. Në vitin 2015, 20 gra të veja janë përzgjedhur dhe 5 bufe janë themeluar.

Ne ketë ngjarje, që fillon në orën 11:00, do te marrin pjese përfaqësuesi i Zyrës se Bashkimit Evropian ne Kosove, Libor Chlad, ministri i MPMS Arban Abrashi, si dhe përfaqësues të komunave, zyrave te punësimit, drejtorët e shkollave ku janë hapur dhe planifikohet te hapen bufetë për nxënës etj./arbresh.info