Instituti Albanologjik i Kosovës ka ribotuar një libër të vitit 1951 me këngë popullore shqiptare të Kosovës.
Gjithçka do ishte në rregull nëse titulli i librit nuk do i referohej shtetit të Kosovës me terminologji serbe “Kosovë e Metohi”, shkruan arbresh.info.
Në kopertinën e librit është e shkruar “Kangë popullore shqiptare të Kosovës – Metohisë” duke iu referuar me terminologji serbe Republikës së Kosovës, shkruan arbresh.info.
Profesori universitar, Blerim Latifi, përmes një postimi në Facebook, ka reaguar lidhur me këtë.
Ai thotë se ky libër do të përdoret nga Serbia, duke u futur në Dosjen e pretendimeve të Kishës Ortodokse Serbe për eksterritorialitet kishtar në Kosovë.
“Në vitin 2021, Instituti Albanologjik i Kosovës boton tituj të tillë, duke iu përmbajtur terminologjisë zyrtare serbe për Kosovën. Sigurisht, kjo do të futet në Dosjen e pretendimeve të Kishës Ortodokse Serbe për eksterritorialitet kishtar në Kosovë, tani që po afrohet pjesa më e rëndë e Dialogut Kosovë-Serbi, pjesa e marrëveshjes përfundimtare”, ka shkruar Latifi në rrjetin social “Facebook”./arbresh.info/
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...