Sindikata e Re e Korporatës Energjetike të Kosovës ka kundërshtuar fuqishëm largimin e minatorëve grevistë nga puna.

Përmes një komunikate për media, thuhet se kjo gjë cenon rëndë demokracinë dhe lirinë e shprehjes, përcjell Arbresh.info

“Sindikata e Re e Korporata Energjetike e Kosovës shprehë fuqishëm kundërshtimin e saj ndaj largimit të kryetarit dhe anëtarëve minatorë grevistë nga puna. Ky veprim i papranueshëm jo vetëm është antiligjor dhe antikushtetues, por gjithashtu cenon rendë demokracinë dhe lirinë e shprehjes së vullnetit për të drejtat e punëtorëve”.

“Në një kohë kur punëtorët po luftojnë për të drejtat e tyre, vendimi i Menaxhmentit të Trepçës të largojë grevistët nga puna është i papranueshëm. Ligji dhe kushtetuta e Republikës së Kosovës garantojnë të drejtën e punëtorëve për të mbrojtur interesat e tyre dhe për të zhvilluar greva”, thuhet në njoftim.

Sindikata e Re KEK deklaron se ky veprim është një shkelje flagrante e të drejtave të punëtorëve dhe është në kundërshtim me vlerat demokratike të vendit tonë.

“Ne kërkojmë që urgjentisht Qeveria e Republikës së Kosovës dhe Bordi i Trepçës të marrin masa të menjëhershme ndaj ketij menaxhmenti deshtues dhe destabilizues. SR KEK kërkon që grevistët e suspenduar të rikthehen në punë menjëherë dhe të respektohen të drejtat e tyre kushtetuese. Po ashtu, nekërkojmë një hetim të pavarur për këtë ngjarje dhe ndëshkimin e atyre që janë përgjegjës për këtë vendim të padrejtë”, thuhet tutje në njoftim./Arbresh.info