Janë bërë tashmë pesë ditë nga fillimi i fushatës zgjedhore të 9 shkurtit.

Por, ka 2-3 ditë që vërehet një retorikë më e ashpër, sidomos nga kryeministri i Kosovës Albin Kurti, i cili po i sulmon kundërshtarët politik të tij, duke iu vënë edhe epitete të ndryshme si: Mizë, të rrokatur etj.

E lidhur me këtë sjellje u deklarua edhe kandidati për deputet nga Koalicioni për Familje, Ferid Agani.

Agani, i cili është edhe psikiatër me profesion foli edhe çrregullimeve emocionale.

“Çdo qytetar e vlerëson në mënyren e vet, e ka atë kandarin e vet, e mat secilin politikan se sa e ka stabilitetin e brendshëm, sa ka qetësi të brendshme, sa është në gjendje me i kontrollu impulset agresive që i ka brenda vetës”, tha Agani.

“Besa populli ynë është i urtë, popull i cili vlerëson edhe në atë se jo çka thotë por çka bën edhe mënyren se si sillet”, theksoi ai në Klan Kosova.