Ministria e Shëndetësisë njofton se në 24 orët e fundit janë kryer 1961 testime, nga të cilat kanë rezultuar pozitivë me Covid 230 qytetarë.

Rastet e reja janë zbuluar në këto bashki: 124 në Tiranë, 25 në Berat, 10 në Fier, 8 në Vlorë, Sarandë, 6 në Lushnje, 5 në Gjirokastër, 4 në Kurbin, Durrës, Kavajë, Dimal, 3 në Krujë, Mat, Këlcyrë, 2 në Mallakastër, Delvinë, Përmet, Kolonjë, Gramsh, 1 në Kukës, Has, Lezhë, Dibër, Bulqizë, Roskovec, Tepelenë, Memaliaj, Skrapar.

Po ashtu bëhet me dije se në 214 orët e fundit nuk e kanë fituar dot betejën me virusin vdekje prurës dhe 11 qytetarë të tjerë.

Viktimat janë: një qytetar 51 vjeç nga Kruja, një qytetar 67 vjeç nga Vlora, një qytetar 69 vjeç nga Tirana, dy qytetarë nga 70 vjeç nga Pogradeci dhe Lushnja, një qytetar 73 vjeç nga Gramshi, dy qytetarë nga 74 vjeç nga Kavaja dhe Berati, dy qytetarë 78 vjeç nga Durrësi dhe Korça, një qytetar 79 vjeç nga Fieri.

Aktualisht në spitalet COVID po marrin trajtim 176 pacientë, nga të cilët 15 janë në gjendje më të rënduar, ndërsa në të gjithë vendin ka 8,012 raste aktive.

Në 24 orët e fundit janë shëruar 266 qytetarë duke e çuar numrin e të shëruarve në 178,377 që nga fillimi i epidemisë./tvklan.al/