Shpend Ahmeti do që ndeshja Prishtina-Drita të luhet në kryeqytet

16:30 | 12 Maj 2018
Arbresh.info

Kryetari i Prishtinës, Shpend Ahmeti, po e shqyrton mundësinë që ndeshja vendimtare e Superligës së Kosovës midis Prishtinës dhe Dritës të zhvillohet në Stadiumin e Prishtinës, ndonëse ende nuk kanë përfunduar punimet.

“Xhiroja e fundit e Superliges së Kosovës në futboll është finale mbi finalet. Rrallë ndodhë që në xhiron e fundit të vendoset kampioni si në këtë edicion. Kjo lojë nikoqire për Prishtinën me Dritën është vendosur të luhet në Pejë”, shkruan Ahmeti në Facebook.

“Kërkesa ime për Federatën, Punëkryesin e Ministrinë është që të shohim mundësinë që kjo lojë të luhet në stadiumin e Prishtinës. E dimë që punimet nuk kanë përfunduar krejtësisht në tribuna po do të ishte hapje madhështore e stadiumit të renovuar të qytetit”, përfundoi ai.