Analisti politik Selami Shkodra, reagon ndaj arrestimit të Kryetarit të AAK-së Ramush Haradinaj, duke thënë se ky arrestim tregon ndikimin e ish-strukturave të vjetra të UDB-së Jugosllave në organet e rendit, në republikat që dolën nga shpërbërja e ish-Jugosllavisë.

Ja postimi i plotë i Selami Shkodrës në profilin e tij në Facebook:

Arrestimi i ish-kryeministrit Haradinaj në kryeqytetin slloven bazuar në fletarrestin e një shteti që është përgjegjës për gjenocidin në ish- hapësirat Jugosllave është skandal i madh i shtetit slloven, i cili duhet të bëjë që institucionet e dy shteteve shqiptare të reagojnë fuqishëm nëpërmes thirrjes së ambasadorit slloven në sqarime si dhe t’i dërgohet notë proteste, Arrestimi i sotëm tregon që element të strukturave të vjetra të UDB-së Jugosllave akoma kanë ndikim në organet e rendit në republikat që dolën nga shpërbërja e ish-Jugosllavisë e cila u shpërbë me iniciativën e gjakatarëve serbë. (sic)