Shkarkohet anëtari i Bordit të SHSKUK-së, dyshohet se mori para nga pacientët në spitalin e Vushtrrisë

19:15 | 19 Janar 2023
E.H

Është shkarkuar anëtari i Bordit Drejtues të Shërbimit Spitalor dhe Klinik Universitar në Spitalin e Përgjithshëm të Vushtrrisë, Dr. Isuf Zekaj.

Qeveria e Kosovës pas një mbledhje korresponduese ka marr këtë vendim që të shkarkoj Dr. Isuf Zekaj.

Kjo u bë e ditur përmes një komunikate për media nga Zyra e Kryeministrit.

“Qeveria e Republikës së Kosovës ka zhvilluar mbledhjen e radhës korresponduese, në të cilën mori vendim për shkarkimin e anëtarit të Bordit Drejtues të Shërbimit Spitalor dhe Klinik Universitar nga Spitali i Përgjithshëm i Vushtrrisë, Dr. Isuf Zekaj.”, thuhet në njoftim.

Zekaj dhe dy mjek të tjerë dyshohen për keqpërdorim të detyrës zyrtare-marrje të ryshfetit në Spitalin e Përgjithshëm të Vushtrrisë./arbresh.info/