Shefi i Zyrës së Bashkimit Evropian në Kosovë, Tomas Szunyog, ka uruar xhudisten Laura Fazliun për fitoren e medaljes së bronztë në Lojërat Olimpike “Paris 2024”.

Në një postim në platformën X, ai ka theksuar se Laura ka treguar aftësi të jashtëzakonshme dhe vendosshmëri të fortë.

“Urime Laura, urime Kosovë!!! Xhudistët e Kosovës shkëlqejnë në Lojërat Olimpike ‘Paris 2024′”, ka shkruan Szunyog.

Xhudistja kosovare në duelin final për medaljen e bronztë u përball me kroaten Katarina Kristo të cilin arriti ta mposhtë në ‘Golden Score’ pas tri gabimeve.

Kujtojmë se kjo është medalja e dytë olimpike për Kosovën, pas të argjendtës që ka fituar Distria Krasniqi pak ditë më parë./Arbresh.info

?Urime Laura, urime Kosovë!!!#Kosovo‘s judokas shine bright at the #Paris2024 #OlympicGames.

Exceptional skills, steely determination. https://t.co/hlCMpz30tD

— Ambassador Tomáš Szunyog (@EUAmbKS) July 30, 2024