Në Serbi janë arrestuar dy persona, njëri polic, nën dyshimin se kanë shitur 25 kilogramë merkur me destinacion Kosovën.

Nga kjo materie e rrezikshme kimike dyshohet se ishte planifikuar të krijohej eksplozivë për terroristët islamik, shkruan gazeta serbe Kurir, përcjellë gazetametro.net.

Merkuri i cili i takon materialeve të rrezikshme kishte për destinacion Kosovën, e më pas Lindjen e Mesme, për të përfunduar në duart e terroristëve. Për këtë gjë janë arrestuar M.A. (46 vjeçar) dhe S.Dj (65 vjeçar) si dhe policia serbe është në kërkim të D.I. (39 vjeçar) i cili është në arrati.

Policia serbe raporton të ketë marrë informatë se në zonën e Branicevskut janë kryer tregti të paligjshme të merkurit i cili përdoret për ndërtimin e bombave. Pas një hetimi të plotë, policia ka zbuluar se në këtë akt të paligjshëm ishte i përfshirë edhe polici i trafikut G.D i cili kishte abuzuar pozitën e tij zyrtare dhe kishte ndihmuar në tregtinë e këtij materiali të rrezikshëm.

Ka indikacione se merkuri kishte destinacion Kosovën e më pas të dërgohej në vendet e Lindjes së Mesme. E gjithë sipas gazetës serbe Kurir tregon se serbët janë të lidhur me terroristët që janë në Lindjen e Mesme.

Merkuri mund të përdoret për krijimin e bombave të cilat vendosen neper vetura, në mënyrë që të eksplodojnë pas një lëvizje të vogël.